ڕۆژێک پێغەمبەری خۆشەویست(د.خ)لەگەڵ موسڵمانێکی هەژار دانیشتبوو،موسڵمانێکی دەوڵەمەند هات بۆ لایان،جێگای دانیشتنی نەبوو تەنها لای هەژارەکەنەبێت،بۆیە بەر لەوەی دابنیشێت لچکی جلەکانی خۆی کۆ کردەوە ئینجا دانیشت!
پێغەمبەریش کە ئه‌مەی بینی پێی ووت:ئه‌وە بۆچی جلەکانت کۆ کردەوە؟ نەوەک کابرا توشی دەوڵەمەندی بکەیت،یان نەوەک ئه‌و تۆ توشی هەژاری بکات؟؟
قسەکانی پێغەمبەر کابرای دەوڵەمەندی زۆر پەشیمان کردەوە!
بۆیە ووتی:پێغەمبەری خوا با سزای ئه‌و دەروونەم بێ کە وای پێ کردم من نیوەی ماڵی خۆم بەم هەژارە دەبەخشم!!
پێغەمبەریش(د.خ)لە هەژارەکەی پرسی تۆ وەری دەگریت؟هەژارەکە ووتی نەخێر.
پێغەمبەر فەرمووی بۆچی؟هەژارەکە ووتی :لەوە دەترسم وەری بگرم و دەوڵەمەند بم دوایی منیش ئاوا خۆم لە خەڵکی هەژار بە گەورەتر بێتە پێش چاوو لافیان لەسەر لێبدەم!!.